Nakakatuwang mga Pangyayari

Isa sa mga laging nangyayari sa aking buhay ay ang makasaksi ng di inaasahang pangyayari sa larangan ng pag-ibig. Katulad ng paghanga sa isang lalaki na akala mong may gusto sa yo. Dadalhin ka nya sa isang pagkaunawa na ang lahat ng ginagawa nya ay senyales ng isang paghanga rin sayo, at sa bandang huli ay magugulat ka nalang na ang attensyong ipinapakita nya ay dahil sa ang gusto nya ay ang kaibigan mo, o kamaganak mo. Isa pang uri ng nakakatuwang pangyayari ay ang magulat ka na lamang na may jowa na sya. hahaha.

Hindi ko alam kung maiinis ba ako o matatawa nalang kasi sa dami dami ng tao sa mundo bakit sa akin ito palagi nangyayari. Siguro sadyang feelingera lang ako. Kasi hindi naman mahirap mapansin na lahat ng lalake, ang turing sa akin ay kapwa lalaki. haha. Kadalasan, kasama ko ang mga lalake at malaya silang kumilos na wari hindi babae ang kasama nila. Kung kayat kapag ang isang lalaki ay nagpakita na kakaibang attensyon sa akin, masyado itong madaling mapansin. Lalo na’t samahan mo pa ng mga mapalabok na pananalita at papansin na mga kilos, mga pari-parinig. ganun.

Ewan ko, sa ngayon, di na muna ako naniniwala sa pag-ibig na yan hanggat di ko pa talaga sya nararanasan ng wagas. Haha.

Pebrero na kasi ayan tuloy emotera nanaman ako. :p

Bagong Pahina

Mahigit isang buwan nadin ang nagdaan mula nang nagsulat ako dito. Masyadong madaming ginagawa ngayon, kahit na hindi na ako nagtatrabaho. Masaya padin naman ang buhay, pero syempre, di maiiwasan na sabihin minsan: “mas magiging mas masaya sana kung ganyan… o ganito…”

Ngayon araw na ito… nagkaron na ako na kaisipan na sumali sa isang grupo na nais manatiling nag-iisa. Ibig sabihin… ang di na mag-asawa. Ang aking katwiran kasi: bakit ka pa mag-aasawa kung ung gusto mo ay di mo mapapangasawa? hehe. Pasensya naman, tapat ako eh. Kahit mukhang hindi. hehe.

Pero syempre nasabi ko lang yun dala ng hindi ko maisaysay na pakiramdam. Naroon pa ako sa puntong di pa nasasaktan o di pa naapektuhan masyado. Ika nga eh, “PA. PA for Paki ko.” O baka nga nagtagumpay na ako sa paglisan sa mundong puno nang pag-aasam. Isang dekadang puno ng tamis na ako lang ang nakababatid. Isang dekadang nuknukan ng illusyon kung susuriin.

Dalawang bagay ang kelangan kong magawa. Mapatawad ang nakaraan, at tignan ng walang takot ang hinaharap. Mahirap yan, sapagkat sa tulad kong di plastik… di ako makikipagngisngisan o makikiswitswitan kung ikaw ay isang malaking hadlang. bow.

Pero napagtanto ko, na sayang naman ang talino at ganda ko, (Pagbigyan nyo na ko. Moment ko ito) para hindi ito maipasa sa mga salin lahi. Hehe. May mas mainam pa naman na makikita dyan na syang magiging wagas na pag-ibig. Naks.

Kung nauunawaan mo ang alinman sa mga pinagsasasabi ko dito. Ito ay isa nang nakaraan. Kaya katulad ng gawain ko, kung saan ako magaling… lilimutin ko ito. At parang walang nangyari. Kaya limutin mo ha. Pero syempre isinulat ko ito dito para kapag ako ay yumao at pinag aralan ang buhay ko… masasabing nagkaroon ako ng isang dekadang pag-ibig. haha. tama na cheesy na.

Sabi nila habang may buhay may pag-asa.
Pero katulad nga sa pelikulang UP… di laging happy ending.
May bagong pahina na dapat buksan at doon mo matatagpuan-
na marami pang pwedeng maging kasagutan.

Kras

Ang dami kong nakakrasan ngayon. Ano ba yan. haha. Ambilis ko magkakras ngayon. Bakit kaya ganun? Ay… matagal na pala ako mabilis magkakras. Pero basta ambabaw ko haha. Kaya lang ang tanong.

Kras din ba nila ako. LOL.

Bakit Sila Ganun?

Sad ako. pag isipan ka ba naman ng masama sa ministry mo, na kaya ka lang gumagawa ng ministry ay para sumilay? Masyado namang panghuhusga yan. At higit sa lahat, nagsusumiksik ba ako? Yun pala tingin sa akin. Kung sino man nagsabi nyan, nakakalungkot. Talagang war ito at dirty makipagaway si Satan, iba tactics nya nakakabadtrip. Lord di ko na po papatulan. Iisipin ko nalang na walang nangyari, pero for the record, andito ito. Lord kaw na po bahala sa masasamang puso at dila; di ako magsasalita ng bad sa kanila. Amen.

Magmo-move-on-na-ko!

Tapos na.
Sabi ko nga bagong simula.

Pano kung Siya ang will ni Lord?

Mas madalas na naiuugnay ang salitang “God’s will” sa mga tao na gusto mong mapangasawa pero di mo pa nakikita. Sa isang single na katulad ko, gasgas na ang linya na:
“Pinagprpray ko ang will ng Lord para sa akin”.
Yan ang mga litanya ng mga taong nag-aantay. At ang popular na sagot ng mga nagmamahal na kaibigan kapag nakakita sila ng possibleng tao, na mukhang ok para sayo, ay ang panalong banat:
“Pano kung sya ang will ni Lord para sayo?”

Hahaha! Yan ang sabi ng kaibigan ko sa akin nung isang araw pagkatapos namin ihatid ang speaker na Amerikano, na may pusong Pilipino. “Jana pano kung sya pala ang will ng Lord para sayo?” Umaatikabong sagot ko naman ay “Ay sorry, nasettle ko na sa Lord na hindi ko gusto ng Amerikano (or ibang lahi).” Wala akong racial prejudice dito, pero un na talaga ang stand ko. Gusto ko ng pinoy. bow. At kilala ko kung sino ang gusto ko. Pinagppray ko ang tao na ito at ang sabi ko sa Lord, “Kung hindi mo po sya will para sa akin, wag mong hayaan na manatili itong nararamdaman ko para sa kanya.” Eh di pa naman tinatanggal ni Lord eh. haha. Hindi, sabi ko naman sa Lord, kung hindi talaga sya ang para sa akin, tulungan nya ako na matanggal nalang ung nararamdaman ko. kasi masyado nang matagal eh. O kaya makita ko na sa kanya na wala talaga as in zero, wapak, soplak. (Lord wag masyado masakit ha…)

Naniniwala ako na may kalayaan tayo mamili ng nais natin makasama habang buhay, at ipinanalangin natin sa Panginoon kung sila ba ay kalooban nya. Kung will nga ng Panginoon na sila ang makasama natin, Siya ay kikilos at tutulong sa ating relasyon. Hindi ako naniniwala na mananalangin ka tapos babagsak nalang mula sa langit ang panalangin mo. Haha. Kapag namimili ka, ginagamit mo ang iyong pagkakilala sa Panginoon, dahil inuuna mo sya sa iyong buhay, kinikilala mo ang Panginoon at inaalam kung ano ba ang swak sa kalooban nya. Kasama na dyan sa pagpili ang pagiging mananampalataya ng isang tao, at ang mga ugali na meron siya na swak din sa iyong panlasa. haha. Sa madaling sabi, “ikaw din ang pumipili!” Di pipili ang Lord para sayo at sya lang lahat ang kikilos para sayo. Ano ka? uupo ka lang at magaantay? Pano kung ang bumagsak mula sa langit ay di mo type? Labo nun diba? Kelangan may decisyon na mahalin mo din ang tao na ito. Sa mga babae dyan tulad ko, di ko naman sinasabi na kayo na ang manligaw at mamili. Magaantay padin kayo na sila ang mauna. Pero naman kung may lumalapit na, ipanalangin na ang mga tao na yan. Huwag lang tumunganga sa langit kasi walang babagsak dyan na lalaki, maniwala ka.

Kaya yan ang aking munting kwento. Magulo kasi ‘pag ibang lahi. Proproblemahin ko pa kung san kami ikakasal. haha. San kami magpapasko. haha. over reacting lang po. haha. Ang totoo nyan, kasi nga may gusto na ako. Kaya parang sarado pa ang isip ko sa mga ibang option. Saka na pag ayaw sa kanya ni Lord. haha.

Mahal ko si Ano…
Oo, sya padin. hehe
Lord ngayong taon na ba na ito?

Labnat

Ngayon, siguro nga tatanggapin ko ang mga joke na yan tungkol sa labnat.
Pero totoong nilagnat ako. Pero siguro nga natrigger ng labnat.
Walastek nanahimik ang isip ko bigla ba namang ginulo!
Ayoko na sanang bigyan ng pansin kaso naman kasi itong si Lolo, sinabi pa na mukha ngang si ano ang simpleng pinopormahan “mo”. Sabi ko na nga ba eh. huhu. Ayon, dinibdib ko nanaman, sumakit nanaman ang ulo, heto na, sa loob nalang ng kwarto. Bang lungkot pa kung talagang magkakatotoo ito. Grr.

Happy Valentines nga pala sa inyo.
Sapul!

Bente Kwatro

Masaya ako. Alam mo yung saya na hindi mo maipaliwanag?
madami akong ginagawa ngayon kaya masasabi natin na pagod ang lupang katawan pero kung wala lang lupang katawan na iniisip madami pa akong gagawin. Masaya ako.

Una, pakiramdam ko ay isa akong ibon na pinalaya.
Pangalawa, parang bawat hiling ay unti unting nararating
Pangatlo, may mga bagay na mahirap ilathala pero kung ano man yun sana nababasa nyo para sumaya din kayo diba? Hehe.

Malabo padin ako. Ika nga undefined. haha, pero anupaman, masaya ako, at sa pagkakataong ito, alam ko wala akong ginagawang mali.
Dati kasi masaya nga ako pero may mali. Alam mo un.
Kaya heto ang para sa taong ika bente kwatro. Sana tuloy tuloy na ang ligayang taglay ko.

Maligaya ako. di lang nung kaarawan. bow.
Mabuti ang Panginoon at sa kanya lahat ng papuri.

In-lab

Nako. Delikado.
Ilang araw nalang at pwede na ulit.
Bakit parang na-eexcite din ako sa aspeto na ito nang buhay ko? Kagabi umupo ako sa tambayan at natapos ko na ang pag guhit sa aking nais na tahanan. isama mo na ang mga plano sa kasalan. haha!
Masaya. Pero wala pa sya.
Kung sino man sya…

Sya nawa. :p

Malupit na Hiling

Masakit man tanggapin pero oo, hindi ako nagtagumpay.
Madami akong rason para dito pero ano pa ang silbi ng pag rarason?
Masakit pakinggan na madami akong taong binigo.
Gusto ko lang naman maging simple yung di masyado napapansin-
kasi napakataas ng hangad ng lahat sa akin.

Wala nga ang tatay ko dito pero kanina, 7 tatay sa pananampalataya ang nangaral sa akin.
Masakit tanggapin na hindi ko nagawa. Ayun nafrustrate sila. Mas nafrustrate pa sila kaysa sa akin.
Tapat naman ako, inaamin ko nga na di ko kinaya.
Heto ang malupet, naniniwala sila na kaya kong bumangon sa pagkakasadlak-
Kaya binigyan nila ako ng gradong dapat abutin sa susunod.

Yun daw yung gradong nababagay sa akin.

Pano kung di ko magawa ulit?